అందుకే సలార్ ఆలస్యం.. అధికారిక ప్రకటన వచ్చేసింది

ప్రభాస్ - ప్రశాంత్ నీల్ కాంబినేషన్లో 'సలార్' సినిమా రూపొందుతోంది. హోంబలే ఫిలిమ్స్ ఈ సినిమాను భారీ బడ్జెట్ తో నిర్మిస్తున్నారు. 'కేజీఎఫ్' .. 'కేజీఎఫ్ 2' సినిమాలు వసూళ్ల విషయంలో కొత్త రికార్డులను నమోదు చేశాయి. అదే బ్యానర్ లో ఇప్పుడు 'సలార్' సినిమా తెరకెక్కుతోంది. ఈ నెల 28వ తేదీన ఈ సినిమాను విడుదల చేయనున్నట్టుగా ఇంతకుముందే ప్రకటించారు. కానీ సినీ అభిమానులకు బ్యాడ్ న్యూస్.. ఆ రోజున థియేటర్లకు ఈ సినిమా రావడం లేదు. కొన్ని కారణాల వలన ఈ సినిమా విడుదల తేదీని వాయిదా వేస్తున్నట్టుగా మేకర్స్ అధికారికంగా ప్రకటించారు. క్వాలిటీ విషయంలో రాజీ లేకుండా ఈ సినిమాను అందించే ప్రయత్నంలో ఆలస్యం జరుగుతోందని తెలిపారు. అర్థం చేసుకోవాలని ఈ ప్రకటన ద్వారా తెలియజేశారు. కొత్త విడుదల తేదీ ఎప్పుడు అనేది ఈ నెల 28లోగా తెలియజేయనున్నారు.