ఈ వారం ఓటీటీల్లో సినిమాలు, వెబ్ సిరీస్ లు ఇవే !

మార్చి 9వ తేదీ నుంచి డిస్నీ ప్లస్ హాట్ స్టార్ లో యాంగర్ టేల్స్ సినిమా స్ట్రీమింగ్ అవనుంది. ఈ సిరీస్ లో సుహాస్, బిందుమాధవి, మడోన్నా సెబాస్టియన్ ప్రధానమైన పాత్రలను పోషించగా.. సుహాస్ ఈ వెబ్ సిరీస్ ను నిర్మించాడు. నటుడిగా సక్సెస్ అయిన సుహాస్.. నిర్మాతగా సక్సెస్ అవుతాడో లేదో చూడాలి.

ఇక పుష్ప సినిమాలో అల్లుఅర్జున్ స్నేహితుడిగా నటించిన జగదీశ్ ప్రధాన పాత్రలో తెరకెక్కిన సినిమా 'సత్తిగాని రెండెకరాలు'. ఈ సినిమా మార్చి 17 నుంచి ఆహా లో స్ట్రీమింగ్ కాబోతోంది. ఇందులో వెన్నెల కిశోర్ కీలక పాత్రలో కనిపించనున్నాడు. అదే రోజున.. సుహాస్ నటించిన 'రైటర్ పద్మభూషణ్' Zee 5లో స్ట్రీమింగ్ కు రానుంది. సుహాస్ - టీనా శిల్పరాజ్ జంటగా నటించిన ఈ సినిమాకు థియేటర్లలో మంచి రెస్పాన్స్ వచ్చింది. నెట్ ఫ్లిక్స్ లోనే ఏప్రిల్ 1న అమిగోస్ సినిమా స్ట్రీమింగ్ అవ్వనుంది. ఈ సినిమాలో కల్యాణ్ రామ్ త్రిపాత్రాభినయం చేసిన విషయం తెలిసిందే.