శంకరా.. ఆలోచన బాగుంది కానీ.. వచ్చే వారెవరు నాయనా?

ఇప్పుడు మరో మూడు ప్రాజెక్టులను సిద్ధంగా ఉన్నట్లు శంకర్ ప్రకటించారు. అవి కూడా భారీ ప్రాజెక్టులని చెబుతున్నాడు. ఈ మూడు భారీ ప్రాజెక్టులు పూర్తి కావాలంటే వందల కోట్ల రూపాయలు కావాలని కూడా శంకర్ చెబుతున్నాడు. తాజాగా శంకర్ వేల్పరి తన డ్రీమ్ ప్రాజెక్టు అని అనౌన్స్ చేశాడు. దానిని తీయడానికి నిర్మాతల కోసం శంకర్ వెదుకుతున్నారు. కానీ శంకర్ ను నమ్మి ఎవరు పెట్టుబడి పెట్టేందుకు ముందుకు వస్తారన్నది మాత్రం అనుమానమే. ఎందుకంటే మినిమం గ్యారంటీ లేని డైరెక్టర్ గా శంకర్ మారడమే అందుకు కారణం.

మరొకవైపు గతంలో శంకర్ సినిమాలో నటించాలంటే ఎందరో హీరోలు ముందుకు వచ్చారు. రోబో వంటి హిట్ తీసిన శంకర్ కు తర్వాత ఒక్క హిట్ కూడా పడలేదు. దీంతో శంకర్ పై అగ్రహీరోలకు కూడా నమ్మకం లేదు. దీంతో తమ కెరీర్ లో డిజాస్టర్ మూవీని ఏరి కోరి ఎంచుకోవడం ఎందుకని హీరోలు కూడా సహజంగా ఆలోచిస్తారు. శంకర్ మామూలుగా సినిమా తీయడు. భారీ బడ్జెట్ తో సినిమా తీస్తాడు. శంకర్ తో సినిమా అంటే నిర్మాతలకు నిత్యం టెన్షన్ ఉంటుంది. అలాంటి టాక్ తెచ్చుకున్న శంకర్ దరి చేరేదెవరన్న ప్రశ్నలు ఇప్పుడు అందరిలోనూ కలుగుతున్నాయి. నిర్మాతలతో పాటు హీరోలు కూడా దొరకడం కష్టమైన పరిస్థితుల్లో మరి శంకర్ తన డ్రీమ్ ప్రాజెక్టును ఎలా కంప్లీట్ చేస్తాడన్నది చూడాల్సి ఉంది.