SSMB 29 : వారణాసిని దించేస్తున్నారటగా.. రాజమౌళియా మజాకా?

రాజమౌళి ప్రస్తుతం సూపర్ స్టార్ మహేష్ బాబుతో ఒక మూవీ రెడీ అవుతుంది. ఈ సినిమా షూటింగ్ ప్రారంభమయింది. దీనికి సంబంధించి ఒక వార్త వైరల్ గామారింది. ఈ సినిమా కోసం వెయ్యి కోట్ల రూపాయలను వెచ్చించేందుకు సిద్ధమవుతున్నారు. ఎస్ఎస్ఎంబీ 29 పేరిట ఈ చిత్రం షూటింగ్ శరవేగంగాపూర్తి చేసుకుంటుంది. అయితే తాజాగా అందుతున్న సమాచారం మేరకు ఈ సినిమాలో వారణాసికి సంబంధించిన సీన్స్ తీయాల్సి ఉంది. అయితే నిజానికి వారణాసిలోనే సినిమా చిత్రీకరణ జరపాలని చూసినప్పటికీ అక్కడ అనుమతులతో పాటు అనేక రకాలైన ఇబ్బందులు ఎదురవుతాయని భావించిన రాజమౌళి ఆ ఆలోచన ను విరమించుకున్నారు.

వారణాసిని ఇక్కడే నిర్మించాలని నిర్ణయించారు. వారణాసి నగరాన్ని ఫిలిం సిటీలో నిర్మించేందుకు సిద్ధమయ్యరాట. ఇందుకోసం యాభై కోట్ల ఖర్చుతో ఏకంగా వారణాసి నగరాన్ని నిర్మిస్తున్నారట. ఇందులో వారణాసిలో గంగా ఘాట్ లు, ఆలయంతో పాటు ఆ వీధులన్నింటినీ ఇక్కడ కృత్రిమంగా ఏర్పాటు చేయనున్నారు. పురాతన దేవాలయాలు కూడా ఇందులో రూపుదిద్దుకుంటున్నాయట. ఈ నేపథ్యంలోనే సెట్ పనులను శరవేగంగా చేస్తున్నారని తెలిసింది.వారణాసి నగరంలో షూటింగ్ ఎంత సేపు ఉంటుందో తెలియదు కానీ, అందుకోసం యాభై కోట్ల రూపాయలు వెచ్చించి సెట్స్ వేయాలని నిర్ణయించడం ఇప్పుడు బాలీవుడ్ తో పాటు అన్ని రికార్డులను బ్రేక్ చేసేలా కనిపిస్తుంది. బాలీవుడ్, టాలీవుడ్ లో ఇప్పటి వరకూ ఇంత భారీ బడ్జెట్ సినిమా రూపుదిద్దుకోలేదట. మొత్తం మీద రాజమౌళి ఎస్ఎస్ఎంబీ 29 తో మరో హిస్టరీని క్రియేట్ చేస్తున్నారనే చెప్పాలి.