పుష్ప-2 నుంచి క్రేజీ అప్డేట్.. ప్రతీకారం మామూలుగా ఉండదట

పుష్ప సినిమాలో ఫహద్ ఫాసిల్ భన్వర్ సింగ్ షెకావత్ అనే పోలీస్ పాత్రలో నటించిన విషయం తెలిసిందే. క్లైమాక్స్ లో పుష్ప భన్వర్ సింగ్ కు ఇచ్చిన ఝలక్ కి.. పార్ట్ 2 లో ప్రతీకారం తీర్చుకునేందుకు భన్వర్ సింగ్ వస్తాడట. పుష్ప-2 లో ఎక్కువ సన్నివేశాలు పుష్ప- భన్వర్ ల మధ్యనే ఉంటాయని తెలుస్తోంది. కాగా.. పుష్ప-2లో భన్వర్ పాత్రకు సంబంధించిన షూటింగ్ పూర్తైనట్లు డైరెక్టర్ సుకుమార్ ట్విట్టర్ వేదికగా తెలిపారు. ఈ సందర్భంగా ఆయన లొకేషన్ నుండి ఒక ఫొటో షేర్ చేశారు. పార్ట్ 1 లో పార్టీ లేదా పుష్ప అనే డైలాగ్ ఎంత ఫేమస్ అయిందో చూశాం. అలాగే పుష్ప-2 లో కూడా అలాంటి డైలాగ్స్ ఉంటాయని అభిమానులు ఆశిస్తున్నారు.