అదృష్టముంటే అల్లు అర్జున్ తో నటించేయొచ్చు

ఐకాన్ స్టార్ అల్లు అర్జున్ నటించిన 'పుష్ప' సినిమా బ్లాక్ బస్టర్ గా నిలిచిన సంగతి తెలిసిందే..! సుకుమార్ దర్శకత్వంలో వచ్చిన ఈ చిత్రానికి సీక్వెల్ 'పుష్ప ది రూల్' పేరిట రాబోతోంది. పుష్ప సినిమా కోసం ఎలాగైతే కొత్త నటీనటుల కోసం ఆడిషన్స్ మొదలుపెట్టారో.. అలాగే ఈ సినిమా కోసం కూడా కొత్త వారిని వెతుకుతూ ఉన్నారు. ఈ చిత్రం కోసం మైత్రీ మూవీ మేకర్స్ ఆడిషన్స్ ప్రకటించింది. వయసుతో సంబంధం లేకుండా మేల్, ఫిమేల్, చైల్డ్ ఆర్టిస్టులు కావాలంటూ సోషల్ మీడియాలో తెలిపింది. తిరుపతిలో జులై 3, 4, 5 తేదీల్లో నటీనటులకు ఆడిషన్స్ నిర్వహించనున్నట్టు తెలిపింది. తిరుపతి నగరంలోని మేక్ మై బేబీ జీనియస్ స్కూల్ (న్యూ బాలాజీ కాలనీ) వేదికగా నటీనటుల ఎంపిక జరగనుంది. ఉదయం 10 గంటల నుంచి సాయంత్రం 5 గంటల వకు ఆడిషన్స్ ఉంటాయని మైత్రీ మూవీ మేకర్స్ తెలిపింది. ఆడిషన్స్ కు వచ్చేవారికి చిత్తూరు యాస తప్పనిసరి అని స్పష్టం చేసింది. అదృష్టం కలిసి వస్తే అల్లు అర్జున్ పక్కన నటించేయొచ్చు.