బిగ్ బాస్ 5 గ్రాండ్ ఫినాలే.. అతిథులు ఎవరో తెలుసా ?

బిగ్ బాస్ 5వ సీజన్ గ్రాండ్ ఫినాలే వీక్ మొదలయ్యింది. హౌస్ లో టాప్ 5 లిస్టులో శ్రీరామచంద్ర, మానస్, సిరి, సన్నీ, షన్ను నిలిచారు. సోమవారం ప్రసారమైన 100వ ఎపిసోడ్ లో హౌస్ లో శ్రీరామచంద్ర, మానస్ ల జర్నీ ని చూపించారు. మంగళ, బుధవారాల్లో ప్రసారమయ్యే ఎపిసోడ్ లలో షన్ను, సిరి, సన్నీ ల జర్నీలను వీడియోల రూపంలో చూపించనున్నారు బిగ్ బాస్. డిసెంబర్ 19వ తేదీ, ఆదివారం ఈ రియాలిటీ షో రియల్ విన్నర్ ఎవరో తేలిపోనుంది. బిగ్ బాస్ సీజన్ 5 గ్రాండ్ ఫినాలేకు ఏర్పాట్లు శరవేగంగా జరుగుతున్నాయి. ప్రతి సీజన్ గ్రాండ్ ఫినాలే ను బిగ్ బాస్ ఎంత వైభవంగా జరిపిస్తారో తెలిసిందే. టాప్ సెలబ్రిటీ చేత బిగ్ బాస్ విన్నర్ ను ప్రకటించడం ఆనవాయితీగా వస్తోంది. ఇప్పటి వరకూ టాలీవుడ్ సెలబ్రిటీల వరకే పరిమితమైన ఈ ఆనవాయితీ.. ఈసారి బాలీవుడ్ తో కూడా మొదలు కానుంది.