ఓటీటీలో బంగార్రాజు.. మరిన్ని కొత్త చిత్రాలు కూడా విడుదల

ఈ శుక్రవారం, ఫిబ్రవరి 18వ తేదీన పలు కొత్త సినిమాలు ఓటీటీల్లో విడుదల కానున్నాయి. ఇక ఈ వీకెండ్ ఇంట్లోనే కూర్చుని ఎంజాయ్ చేయాలనుకునేవారికి కావాల్సినంత వినోదాన్ని పంచేందుకు కొత్త సినిమాలు సిద్ధమవుతున్నాయి. సంక్రాంతి కానుకగా విడుదలైన బంగార్రాజు సినిమా ఈ శుక్రవారం ప్రముఖ ఓటీటీ సంస్థ అయిన జీ5 లో విడుదల కానుంది. ఫ్యామిలీ ఎంటర్‌టైనర్‌గా తెరకెక్కిన "బంగార్రాజు"లో నాగార్జున, నాగ చైతన్య ప్రధాన పాత్రల్లో నటించారు. కల్యాణ్ కృష్ణ దర్శకత్వం వహించిన ఈ సినిమాలో నాగార్జునకు జోడీగా రమ్యకృష్ణ, నాగచైతన్యకు జోడీగా కృతిశెట్టిలు నటించారు.