బాలకృష్ణ ఈసారైనా రవితేజపై గెలుస్తాడా..?

కాగా వీరిద్దరూ కలిసి పోటీ పడడం.. ఇదేమి మొదటిసారి కాదు. ఇప్పటికే వీరిద్దరూ మూడుసార్లు బాక్స్ ఆఫీస్ వద్ద పోటీ పడ్డారు. అయితే ప్రతిసారి బాలయ్య పైన రవితేజనే విజయం సాధిస్తూ వచ్చాడు. దీంతో రవితేజ అభిమానులు.. ఈసారి కూడా విజయం పక్కా అంటూ కామెంట్స్ చేస్తున్నారు. ఇంతకీ వీరిద్దరూ కలిసి ఎప్పుడెప్పుడు, ఏయే సినిమాలతో పోటీ పడ్డారు. మీరుకూడా వాటిపై ఒక లుక్ వేసేయండి.

మొదటిసారి 2008లో బాలయ్య 'ఒక్కమగాడు', రవితేజ 'కృష్ణ' సినిమాలతో ఇద్దరు పోటీ పడ్డారు. ఇక వాటి ఫలితాలు చెప్పనవసరం లేదు అనుకుంటా. ఆ తరువాత 2009లో మిత్రుడు, కిక్ సినిమాలు రిలీజ్ అవ్వగా.. అభిమానులకు రవితేజ కిక్‌ని, బాలయ్య షాక్‌ని కలిగించాడు. ఈ పోటీ తరువాత 2011లో బాలయ్య ‘పరమవీరచక్ర’, రవితేజ ‘మిరపకాయ్’ వచ్చాయి. ఈసారి కూడా రవితేజనే విజయం సాధించాడు.

ఇక్కడ గుర్తించాల్సిన ఇంకో విషయం ఏంటంటే.. పోటీలో హిట్ అందుకున్న ప్రతి సినిమా రవితేజ కెరీర్ లో ఒక మైలురాయిగా నిలిచింది. ప్లాప్ అయిన ప్రతి సినిమా బాలయ్య కెరీర్ లో మర్చిపోలేని డిజాస్టర్స్ గా నిలిచింది. మరి ఈసారి ఎలాంటి రిజల్ట్స్ ని అందుకుంటారో చూడాలి. ఇక సోషల్ మీడియాలో దీని గురించి పోస్టులు వేస్తూ.. బాలయ్య ఈసారైనా రవితేజపై గెలుస్తాడా..? కామెంట్స్ చేస్తున్నారు. కాగా 'భగవంత్ కేసరి' అక్టోబర్ 19న, 'టైగర్ నాగేశ్వరరావు' అక్టోబర్ 20న రిలీజ్ కానున్నాయి.