RRR టికెట్ల రేట్ల పెంపునకు ఏపీ ప్రభుత్వం గ్రీన్ సిగ్నల్.. బెనిఫిట్ షోలు షురూ !

కాగా.. నిన్న దర్శకుడు రాజమౌళి, నిర్మాత డీవీవీ దానయ్య ఏపీ ముఖ్యమంత్రి సీఎం జగన్ తో తాడేపల్లి క్యాంపు కార్యాలయంలో భేటీ అయ్యారు. ఈ భేటీలో రాజమౌళి RRR విడుదల సందర్భంగా టికెట్ల రేట్లు, బెనిఫిట్ షో లపై చర్చించారు. అందుకు జగన్ సుముఖత తెలిపారంటూ వార్తలొచ్చాయి. తాజాగా జగన్ సర్కార్ RRR సినిమా టికెట్ ధరలను 100 రూపాయల వరకూ పెంచుకునేందుకు థియేటర్లకు అనుమతులిస్తూ ప్రకటన చేసింది. దీంతో RRR కు ఏపీలో కలెక్షన్ల మోత మోగనుందనడంలో సందేహం లేదు. ఇక బెనిఫిట్ షో లకు కూడా సపోర్ట్ ఇచ్చింది ఏపీ ప్రభుత్వం. ఎగ్జిబిటర్లు పెద్ద సినిమాలను రోజుకు ఐదు షోలు ప్రదర్శించవచ్చని ఏపీ మంత్రి పేర్ని నాని తెలిపారు. పెద్ద సినిమా, చిన్న సినిమా ఒకేరోజు విడుదలైతే ఎగ్జిబిటర్లు కనీసం రోజుకు ఒక్కసారైనా చిన్న సినిమాలను ప్రదర్శించాలని అన్నారు.