ఆ సినిమా చాలా బాగుందంటున్నారు.. ఎక్కడ చూడొచ్చంటే?

లైగర్ భామ అనన్య పాండే, సిద్ధాంత్ చతుర్వేది నటించిన ఖో గయే హమ్ కహాన్ ప్రేక్షకుల నుండి గొప్ప ప్రశంసలను అందుకుంటుంది. సామాజిక మాధ్యమాల ద్వారా ముగ్గురి జీవితాలు ఎలా మారాయి అన్నదే ఈ సినిమా కథ. ఖో గయే హమ్ కహాన్ లో వారి జీవితాలు, వారి జీవితాలపై సోషల్ మీడియా ప్రభావాన్ని చూపించింది. బాలీవుడ్ క్లాసిక్ సినిమాలైన దిల్ చాహ్తా హై, జిందగీ నా మిలేగీ దొబారా నిర్మాతలే ఈ సినిమాను కూడా తెరకెక్కించారు. ఇందులో ఆదర్శ్ గౌరవ్, అనన్య పాండే, సిద్ధాంత్ చతుర్వేది ప్రధాన తారాగణం. ఈ చిత్రం డిసెంబర్ 26 నుండి నెట్‌ఫ్లిక్స్‌లో స్ట్రీమింగ్ అవుతోంది. మంచి ప్రశంసలను అందుకుంటూ ఉంది. ప్రస్తుతం ఈ సినిమా నెట్‌ఫ్లిక్స్‌లో #1 ట్రెండింగ్‌లో ఉంది. అర్జున్ వరైన్ సింగ్ ఈ సినిమాకు దర్శకత్వం వహించారు. జోయా అక్తర్, రీమా కగ్టి, రితేష్ సిధ్వానీ, ఫర్హాన్ అక్తర్ నిర్మించారు. నెట్‌ఫ్లిక్స్‌లో ఈ చిత్రం హిందీ, ఇంగ్లీష్, తమిళం, తెలుగులో అందుబాటులో ఉంది.