కర్నూల్ లో అఖండ 100 డేస్ సెలబ్రేషన్స్

జనవరి 20వ తేదికి అఖండ సినిమా 103 థియేటర్స్ లో 50 రోజులు పూర్తి చేసుకుంది. ఈ మధ్యకాలంలో 50 రోజులపాటు ఓ సినిమా థియేటర్లలో ఆడిన దాఖలాలు లేవు. అలా 50 రోజుల నుంచి 100 రోజులకు చేరనుంది అఖండ సినిమా. మార్చి 11వ తేదీకి అఖండ 100 రోజులను పూర్తి చేసుకోనుంది. ఈ సందర్భంగా అఖండను ఆదరించిన ప్రేక్షకులకు కృతజ్ఞతలు చెప్పాలని భావించిన టీమ్.. 12వ తేదీన కర్నూల్ లోని ఎస్టీబీసీ గ్రౌండ్స్ లో కృతజ్ఞత సభను ఏర్పాటు చేసింది. మార్చి 12వ తేదీ, శనివారం సాయంత్రం 5 గంటల నుంచి ఈ కార్యక్రమం జరగనుంది. ఇదే అఖండ 100 డేస్ సెలబ్రేషన్స్ అని అంటున్నారు బాలయ్య అభిమానులు.