భూకంప శిథిలాల్లోనే బిడ్డకు జన్మనిచ్చి మరణించిన తల్లి

సిరియా భూకంప శిథిలాలు ఓ పుట్టుకకు వేదికైతే మరో మరణానికి కూడా సజీవ సాక్ష్యంగా నిలిచాయి. ఓ బిడ్డ ఈ లోకంలోకి వస్తే మరో ప్రాణం అనంతవాయువుల్లో కలిసిపోయింది. భూకంపంతో అల్లాడుతున్న సిరియాలో.. భవనాల శిథిలాల కింద ఓ మహిళ బిడ్డకు జన్మనిచ్చి.. కన్నుమూసింది. శవాల దిబ్బలతో మరుభూమిని తలపిస్తోన్న దృశ్యాల్లో.. ఇంతటి విపత్కర పరిస్థితుల్లో ఓ బిడ్డ భూమ్మీదికి రావడం ఆశ్చర్య పరిచింది. శిథిలాల తొలగింపు క్రమంలో ఇది గమనించిన స్థానికులు.. ఆ బిడ్డను హుటాహుటిన వైద్యం కోసం తరలించారు. బిడ్డ ఆరోగ్య పరిస్థితి నిలకడగా ఉన్నట్లు తెలుస్తోంది.