ఆస్ట్రేలియా ప్రధానికి కోవిడ్ పాజిటివ్.. ఆందోళనలో 1000 మంది ?

కరోనా కొత్తవేరియంట్ ఒమిక్రాన్ జెట్ స్పీడ్ తో విస్తరిస్తుండటంతో.. మోరిసన్ కు కూడా ఒమిక్రాన్ సోకిందేమోనని సర్వత్రా ఆందోళన వ్యక్తమవుతోంది. ప్రధాని స్కాట్ మోరిసన్ కు పాజిటివ్ గా నిర్థారణ కావడానికి ముందు.. ఆ పాఠశాల బాలుర బృందంతో ఫొటో దిగారు. దక్షిణ కొరియా అధ్యక్షుడితో కూడా మాట్లాడారు. సోమవారం సంయుక్త విలేకరుల సమావేశం నిర్వహించారు. ప్రధాని మంగళవారం రాత్రి కిర్రిబిల్లి హౌస్‌లో దక్షిణ కొరియా అధ్యక్షుడు మూన్ జే-ఇన్‌కు ఆతిథ్యం ఇచ్చారు. ఈ సమావేశానికి ముందు ఆయన న్యూ సౌత్ వేల్స్ హెల్త్, చీఫ్ మెడికల్ ఆఫీసర్‌తో సంప్రదింపులు జరిపారు. మంగళవారం మెల్‌బోర్న్‌లోని డోహెర్టీ ఇన్‌స్టిట్యూట్‌కి వెళ్లారు. ఇక బుధవారం అంటే.. నేడు క్వీన్స్ లాండ్ కు వెళ్లాల్సి ఉండగా.. శుక్రవారం చేసిన కరోనా నిర్థారణ పరీక్షల తాలూకు ఫలితాలు వచ్చాయి. అందులో పాజిటివ్ గా తేలడంతో క్వీన్స్ లాండ్ పర్యటన వాయిదా పడింది. కాగా.. మోరిసన్ కు కరోనా వ్యాధి సోకడంతో.. ఆయనను కలిసిన వారంతా ఆందోళన చెందుతున్నారు.

మరోవైపు పెరుగుతున్న వైరస్ ముప్పు మధ్య, కోవిడ్ -19 లాక్‌డౌన్ వల్ల ప్రభావితమైన ఆర్థిక వ్యవస్థను మెరుగుపరచడానికి ప్రభుత్వం చర్యలు మొదలు పెట్టింది. దాదాపు రెండేళ్ల నిషేధం అనంతరం బుధవారం సరిహద్దులు తెరిచారు. అటు ఆస్ట్రేలియా ప్రధానికి పాజిటివ్ రావడం.. ఒమిక్రాన్ కేసులు అంతకంతకూ పెరుగుతుండటంతో మళ్లీ ఆర్థిక వ్యవస్థ దెబ్బతినే ప్రమాదం ఉన్నట్లు అక్కడి ఆర్థిక నిపుణులు అంచనా వేస్తున్నారు.