Bangladesh : బంగ్లాదేశ్ లో కొనసాగుతున్న దాడులు.. క్రికెట్ పై కూడా ప్రభావం

బంగ్లాదేశ్ లో హిందువులపై దాడులు ఆగడం లేదు. ఇటీవల కాలంలో హిందువుల లక్ష్యంగా దాడులు జరుగుతున్నాయి. తాజాగా మరొక హిందు వ్యాపారవేత్తహత్యకు గురయ్యారు. బంగ్లాదేశ్‌లోని జెస్సోర్ జిల్లా కపాలియా బజార్ ప్రాంతంలో సోమవారం సాయంత్రం హిందూ వ్యాపారవేత్త, పత్రిక కార్యనిర్వాహక సంపాదకుడైన రాణా ప్రతాప్ బైరాగి ని గుర్తుతెలియని దుండగులు తుపాకీతో కాల్చి హత్య చేశారు. ఈ ఘటనతో ఆ ప్రాంతంలో ఉద్రిక్తత నెలకొంది. స్థానిక మీడియా కథనాల ప్రకారం… ఖుల్నా డివిజన్‌లోని జెస్సోర్ జిల్లా కేశబ్‌పూర్ ఉపజిల్లా అరువా గ్రామానికి చెందిన బైరాగి కపాలియా బజార్‌లో ఐస్ తయారీ యూనిట్ నిర్వహిస్తున్నారు. అదే సమయంలో నరైల్ నుంచి వెలువడే ‘దైనిక్ బీడీ ఖబర్’ పత్రికకు కార్యనిర్వాహక సంపాదకుడిగా కూడా పనిచేస్తున్నారు.