Hyderabad : హైడ్రా కమిషనర్ కు హైకోర్టు సమన్లు

తెలంగాణ హైకోర్టు హైడ్రా కమిషనర్ రంగనాధ్ కు సమన్లు జారీ చేసింది. బాగ్‌ అంబర్‌పేట్‌లోని బత్తుకమ్మకుంటకు సంబంధించి తమ ఆదేశాలను ఉల్లంఘించినట్లు ఆరోపణల నేపథ్యంలో తెలంగాణ హైకోర్టు, హైడ్రా కమిషనర్‌ రంగనాథ్‌ను నవంబర్‌ 27న వ్యక్తిగతంగా హాజరుకావాలని సమన్లు జారీ చేసింది. హైకోర్టు ఈ ఏడాది జూన్‌ 12న జారీ చేసిన ఆదేశంలో, హైడ్రా ఏజెన్సీ వర్షాకాలానికి ముందు చేపట్టే పనులు వివాదాస్పద భూభాగాన్ని ఆక్రమించకుండా కొనసాగుతాయని చెప్పిన నేపథ్యంలో మధ్యంతర ఉత్తర్వులను కొనసాగించింది. ఈ ఏడాది మే 7వ తేదీన మరో బెంచ్‌ ఆ భూమిపై స్టేటస్‌ కో కొనసాగించాలని ఆదేశించగా, మే 28న ఆ ఉత్తర్వును సవరించి పరిమిత స్థాయిలో వరద నివారణ పనులకు అనుమతించింది.