ఫ్యాక్ట్ చెక్: మైక్రోసాఫ్ట్ US ఆఫీసులో భారతీయులు అధిక సంఖ్యలో ఉన్నారంటూ షేర్ అవుతున్న వీడియో హైదరాబాద్ కు చెందినది

అమెరికా అధ్యక్షుడు డొనాల్డ్ ట్రంప్, గూగుల్, మైక్రోసాఫ్ట్, ఆపిల్ వంటి అమెరికన్ టెక్నాలజీ కంపెనీలు భారతదేశానికి చెందిన నిపుణులను నియమించుకుని, చైనాను అవుట్‌సోర్సింగ్ కోసం వాడుతున్నారని విమర్శించారు. వాషింగ్టన్‌లో జరిగిన ఒక శిఖరాగ్ర సమావేశంలో మాట్లాడుతూ, అమెరికన్లకు మరిన్ని ఉద్యోగాలను సృష్టించడంపై దృష్టి పెట్టాలని ఆయన టెక్ కంపెనీలను కోరారు. మైక్రోసాఫ్ట్ 2025 ఇటీవలి కాలంలో పలువురిని తొలగిస్తూ నిర్ణయం తీసుకుంది. మేలో సుమారు 6,000 మందిని ఉద్యోగాల నుండి తొలగించారు. ఆ తర్వాత జూలైలో మరో రౌండ్ తొలగింపులు జరిగాయి. ఇది దాదాపు 9,000 మంది ఉద్యోగులను ప్రభావితం చేసింది. ఈ తొలగింపులు మైక్రోసాఫ్ట్ పునర్నిర్మాణ ప్రయత్నాలలో భాగమని, పనితీరు సమస్యలకు మాత్రమే సంబంధించినవి కాదని CEO సత్య నాదెల్ల తెలిపారు. ఆర్టిఫిషియల్ ఇంటెలిజెన్స్ (AI)లో మైక్రోసాఫ్ట్ భారీగా పెట్టుబడులు పెట్టడానికి ముందుకు వచ్చింది. అభివృద్ధి చెందుతున్న ఈ విభాగంలో విజయం సాధించడానికి కంపెనీని మెరుగ్గా రాణించేలా ఈ నిర్ణయాలు తీసుకుంటున్నట్లుగా సదరు కంపెనీ పేర్కొంది.