ఫ్యాక్ట్ చెక్: ఏఐ వీడియోను ఓ మహిళ జూ లోని సింహాల ఎన్ క్లోజర్ లోకి దూకేసినా ఎలాంటి ప్రమాదం జరగలేదంటూ ప్రచారం చేస్తున్నారు

జూలో పని చేస్తున్నవాళ్లు, జూలో జంతువులను చూడడానికి వెళ్లిన వాళ్లు ఎంతో జాగ్రత్తగా ఉండాలి. లేదంటే కొన్ని కొన్ని సార్లు ఊహించని ప్రమాదానికి గురవుతూ ఉంటారు. ఇటీవల కర్ణాటకలోని శివమొగ్గ జిల్లా త్యావరెకొప్ప జూలో ఒక హిప్పోపొటమస్ దాడిలో తీవ్రంగా గాయపడిన 27 ఏళ్ల పశువైద్యురాలు మరణించారు. బాధితురాలు డాక్టర్ సమీక్షా రెడ్డిని ఇటీవల కర్ణాటక అటవీ శాఖ ఒప్పంద ప్రాతిపదికన నియమించింది. ఈ విషాద ఘటనపై దర్యాప్తు చేసేందుకు సీనియర్ పశువైద్యులు, అటవీ అధికారులతో కూడిన బృందాన్ని నియమించినట్లు కర్ణాటక ప్రభుత్వం తెలిపింది. జూ అధికారులు విడుదల చేసిన పత్రికా ప్రకటన ప్రకారం, డాక్టర్ రెడ్డి ఒక పక్షికి ఫాలో-అప్ నిర్వహించేందుకు జూకి వెళ్లారు. రాత్రి సుమారు 11.45 గంటలకు, ఆమె థర్మల్ కెమెరాను ఉపయోగించి గర్భవతి అయిన ఒక హిప్పోపొటమస్ శరీర ఉష్ణోగ్రతను పర్యవేక్షించేందుకు ఎన్‌క్లోజర్‌లోకి ప్రవేశించారు. ఈ ప్రక్రియ జరుగుతున్న సమయంలో, ఆ జంతువు దూకుడుగా మారి ఆమెపై దాడి చేసిందని జూ అధికారులు తెలిపారు. డాక్టర్ రెడ్డిని వెంటనే శివమొగ్గలోని ఆసుపత్రిలో చేర్పించగా, ఆమె చికిత్స పొందుతూ మరణించినట్లు అటవీ శాఖ మంత్రి తెలిపారు.