ఫ్యాక్ట్ చెక్: వైరల్ వీడియోలో హిందీ పాటకు డ్యాన్స్ చేస్తున్న వ్యక్తి కాష్ పటేల్ కాదు

పాలస్తీనా అనుకూల హ్యాకర్లు అయిన హండాలా బృందాన్ని ఇరాన్‌ ప్రభుత్వ సైబర్‌ నిఘా విభాగం ఉపయోగించుకుంటుందని కొన్ని నివేదికలు తెలిపాయి. అమెరికాకు చెందిన పలు సంస్థలను, పలు నేతలను టార్గెట్ చేసినట్లు హండాలా ప్రకటించింది.

ఇంతలో ఓ వ్యక్తి డ్యాన్స్ చేస్తున్న వీడియో సోషల్ మీడియాలో వైరల్ అవుతూ ఉంది.

"ఎఫ్ బి ఐ డైరెక్టర్ కాష్ పటేల్ హిందీ పాటకు డాన్స్ చేస్తున్న వీడియోను ఇరాన్ హ్యాకర్లు విడుదల చేశారు.
#FBI
#kashpatel
#iranihackers" అంటూ పోస్టులు పెట్టారు.

"ఎఫ్ బి ఐ డైరెక్టర్ కాష్ పటేల్ హిందీ పాటకు డాన్స్ చేస్తున్న వీడియోను ఇరాన్ హ్యాకర్లు విడుదల చేశారు.
ఇరాన్ సుప్రీమ్ లీడర్ గే అంటూ సంచలన వ్యాఖ్యలు చేసిన నేపద్యం లో ఇలాంటి మహిళ నృత్యానికి సంబంధించిన పాటకు fbi డైరెక్టర్ డాన్స్ చేయడం చూసిన వీడియో వైరల్ అవుతుంది.
#FBI #kashpatel #iranihackers #UANow" అంటూ మరికొందరు పోస్టు పెట్టారు.

వైరల్ పోస్టుకు సంబంధించిన ఆర్కైవ్ లింక్ ను ఇక్కడ చూడొచ్చు.

ఫ్యాక్ట్ చెకింగ్:

వైరల్ అవుతున్న వాదనలో ఎలాంటి నిజం లేదు. వీడియోలో ఉన్నది కాష్ పటేల్ కాదు.

వైరల్ వీడియోలోని కీఫ్రేమ్‌లను ఉపయోగించి చేసిన రివర్స్ ఇమేజ్ సెర్చ్ చేయగా 2021 నుండి ఈ వీడియో ఆన్ లైన్ లో ఉందని స్పష్టంగా తెలుస్తోంది.

ఈ వీడియోకు పటేల్‌తో గానీ, ఆరోపించబడిన ఈమెయిల్ హ్యాక్‌తో గానీ ఎలాంటి సంబంధం లేదు. ఆ వైరల్ క్లిప్ లో 1985 నాటి 'రామ్ తేరీ గంగా మైలీ' సినిమాలోని "సున్ సాహిబా సున్" పాటకు, తన భార్య పుట్టింటికి వెళ్ళిపోయిన తర్వాత ఒక వ్యక్తి ఆనందంగా నృత్యం చేస్తూ కనిపించాడు.

Do PeG Andar Mandakini Bahar,,#best #comedy #cover #dance #subscribe అనే టైటిల్ తో Eco Friendly అనే యూట్యూబ్ ఛానల్ లో 29 మార్చి 2021న వీడియోను అప్లోడ్ చేసినట్లుగా మేము గుర్తించాం.

ఇదే వీడియోపై పలు మీడియా సంస్థలు గతంలో కథనాలను పోస్ట్ చేశాయి. ఆ కథనాలను ఇక్కడ చూడొచ్చు.

ఇక వైరల్ వీడియోలో ఉన్నది కాష్ పటేల్ కాదంటూ కూడా పలు మీడియా సంస్థలు నివేదించాయి. వాటిని ఇక్కడ, ఇక్కడ చూడొచ్చు. 

1985లో వచ్చిన 'రామ్ తేరీ గంగా మైలీ' చిత్రంలోని 'సున్ సాహిబా సున్' అనే బాలీవుడ్ పాటకు ఒక వ్యక్తి నృత్యం చేస్తున్న వీడియో సోషల్ మీడియాలో వైరల్ అయింది. ఇది ఎఫ్‌బిఐ డైరెక్టర్ కాష్ పటేల్ ఈమెయిల్ ఖాతా నుండి లీక్ అయిన ఒక ప్రైవేట్ క్లిప్ అని పోస్టుల్లో చెప్పడంలో ఏ మాత్రం నిజం లేదు.

వైరల్ వీడియోలో ఉన్నది కాష్ పటేల్ కాదు.