భర్తతో సన్నిహితంగా ఉంటోందని.. యువతిపై లైంగిక దాడి చేయించిన భార్య

గాయత్రి తనకు ఆరోగ్యం బాలేదంటూ.. బాధితురాలిని తన ఇంటికి పిలిచింది. ఫిబ్రవరి వరకూ తన ఇంట్లోనే ఉంచుకుంది. ఈ క్రమంలో భర్త శ్రీకాంత్, యువతి ప్రవర్తనలో గాయత్రికి అనుమానం వచ్చింది. ఏప్రిల్ 24న ఈ వ్యవహారం పై పోలీసులకు ఫిర్యాదు కూడా చేసింది. ఇటీవల కేసు విత్ డ్రా చేసుకుని, మాట్లాడాలంటూ బాధితురాలి కుటుంబాన్ని ఇంటికి పిలిచింది. పదకం ప్రకారం యువతిని గదిలోకి తీసుకెళ్లి.. కిరాయికి మాట్లాడుకున్న నలుగురు యువకులతో దాడి చేయించింది. బాధిత యువతి నోటికి ఆ నలుగురు ప్లాస్టర్ వేసి, తీవ్రంగా హింసించారు.

ఆపై యువతిపై లైంగికదాడికి పాల్పడ్డారు. ఈ తతంగాన్నంతా గాయత్రి వీడియో తీసింది. తన భర్త జోలికొస్తే.. ఆ వీడియోని సోషల్ మీడియాలో పెడతానని బెదిరించింది. గాయాలపాలైన ఆ యువతి ఆసుపత్రిలో చికిత్స పొందుతూ, జరిగిన ఘాతుకంపై పోలీసులకు ఫిర్యాదు చేసింది. కేసు నమోదు చేసుకున్న పోలీసులు గాయత్రిని, ఆమెకు సహకరించిన నలుగురు యువకులను అరెస్ట్ చేశారు.