స్వాతంత్య్ర వజ్రోత్సవ వేడుకల్లో అపశృతి.. జెండా ఎగురవేస్తూ ఇద్దరు మృతి

స్వాతంత్య్ర దినోత్సవ వేడుకలను పురస్కరించుకుని సోమవారం ఉదయం అనిల్ కుమార్ (40), తిరుపతి (42), ధనంజయ (38)అనే ముగ్గురు వ్యక్తులు మువ్వన్నెల పతాకాన్ని ఆవిష్కరిస్తున్నారు. ఈ క్రమంలో జెండా కర్ర 11కేవీ విద్యుత్ వైర్లకు తగలడంతో.. అనిల్, తిరుపతి, ధనంజయలకి విద్యుత్ షాక్ తగిలింది. అనిల్, తిరుపతి అక్కడికక్కడే మృతి చెందగా.. ధనంజయకు స్వల్ప గాయాలయ్యాయి. సమాచారం తెలుసుకున్న పటాన్ చెరు పోలీసులు మృతదేహాల్ని సంగారెడ్డి ప్రభుత్వ ఆస్పత్రికి తరలించి, కేసు నమోదు చేసుకున్నారు.