Leopard Attack : చిన్నారిని నోటకరుచుకుని లాక్కుని వెళ్లిన చిరుత

తమిళనాడులో ఘోర విషాదం నెలకొంది. ఇంటి ఎదుట ఆడుకుంటున్న చిన్నారిని చిరుతపులి లాక్కుని వెళ్లింది. దాడి చేసి చంపేసింది. ఈ ఘటన కోయంబత్తూర్ కు సమీపంలోని వాల్పరైలోని టీ ఎస్టేట్ లో జరిగింది. తల్లిదండ్రులు టీ ఎస్టేట్ లో పనిచేస్తుండగా ఇంటి ముందు ఆడుకుంటున్న చిన్నారిని నోటకరుచుకుని వెళ్లింది. బాలిక అరుపులు విన్న తర్వాత తల్లిదండ్రులు తోటి వారంతా కలసి వెదికినా కనిపించలేదు. అయితే కొన్ని గంటల తర్వాత అటవీ ప్రాంతంలో చిరుత పులి దాడి చేసి పడేసిన బాలిక శరీరభాగాలను గుర్తించారు.