మితిమీరిన ఆన్లైన్ ప్రేమ వ్యవహారం.. మెడికో ప్రాణం తీసిన టెక్కీ..వివరాలిలా

సోషల్ మీడియా.. ఇది మంచి కన్నా చెడు విషయాలపైనే ఎక్కువ ప్రభావితమయ్యేలా చేస్తోంది. ఇటీవల కాలంలో జరుగుతున్న దారుణాలు ఇందుకు అద్దం పడుతున్నాయి. తాజాగా గుంటూరులో ఓ టెక్కీ.. తనను పెళ్లిచేసుకునేందుకు నిరాకరించిందన్న కోపంలో తన మెడికో ప్రేయసిని సర్జికల్ బ్లేడ్ తో గొంతుకోసి హతమార్చాడు. ఈ ఘటన జిల్లా వ్యాప్తంగా కలకలం రేపుతోంది. పోలీసులు తెలిపిన వివరాల మేరకు.. కృష్ణా జిల్లా పమిడిముక్కల మండలం కృష్ణాపురానికి చెందిన తపస్వికి, అదే జిల్లా ఉంగుటూరు మండలం మానికొండకు చెందిన జ్ఞానేశ్వర్‌తో ఇన్‌స్టాగ్రామ్ ద్వారా పరిచయం ఏర్పడింది. తపస్వి విజయవాడ సిద్ధార్థ మెడికల్ కాలేజీలో బీడీఎస్ మూడో సంవత్సరం చదువుతోంది.