టెస్ట్ ట్యూబ్ సెంటర్ ముసుగులో అడ్డదారులు.. అక్రమార్జనే ధ్యేయం

వైద్యులు దేవుడితో సమానం. అలాంటి వారిలో కొందరు అక్రమార్జనకు దిగుతూ అడ్డదారులు తొక్కుతున్నారు. ఎన్ని సార్లు పోలీసులకు చిక్కినా సరే వారిలో మార్పు రావడం లేదు. హైదరాబాద్ సృష్టి ఫెర్టిలిటీ సెంటర్ నిర్వాహకురాలు నమ్రత వైద్య వృత్తికే కళంకం తెస్తున్నారు. కేవలం కరెన్సీ నోట్ల కోసం అనేక రకాలుగా మోసాలు చేస్తున్నారు. ఈమె నిజంగా వైద్యురాలా? లేక మరేదైనా? అన్న సందేహం కలుగుతుంది. భర్త వీర్యకణాలతో కాకుండా మరొక వ్యక్తి వీర్యకణాలతో సంతానోత్పత్తికి దిగిన నమ్రతను పోలీసులు అరెస్ట్ చేసి విచారిస్తున్నారు. నమ్రత పై గతంలోనూ అనేక కేసులు నమోదయినా ఆమెలో ఎలాంటి మార్పు రాలేదు. హాస్పిటల్ పేరు మార్చడం, రిజిస్ట్రేషన్ వేరే వ్యక్తిపై చేయడం, ఆసుపత్రి అడ్రస్ మార్చడం వంటివి చేస్తూ అక్రమార్జనకు పాల్పడుతున్నారు.