జయత్రి ఇన్‌ఫ్రా ఎండీ అరెస్ట్

నివాస ప్రాజెక్టుల పేరుతో ప్రీ-లాంచ్‌ స్కీములు చూపించి శ్రీనివాస్‌ గృహ కొనుగోలుదారుల నుంచి భారీగా డబ్బులు వసూలు చేశారని ఈడీ గుర్తించింది. అయితే డబ్బులు తీసుకున్న తర్వాత హామీ ఇచ్చిన ఇళ్లు ఇవ్వకపోవడంతో కొనుగోలుదారులను మోసం చేసినట్లు ఆరోపణలు ఉన్నాయి. ఇప్పటివరకు దర్యాప్తులో సుమారు 300 కోట్లను అక్రమంగా మళ్లించినట్లు ఈడీ గుర్తించింది. ఆ మొత్తాన్ని హౌసింగ్‌ ప్రాజెక్టుల్లో పెట్టకుండా ఇతర అవసరాలకు వినియోగించినట్లు అధికారులు తెలిపారు. శ్రీనివాస్‌ను త్వరలోనే కోర్టులో హాజరు పరచనున్నట్లు ఈడీ స్పష్టం చేసింది. ఈ మోసంలో మరెవరైనా ఉన్నారా అన్న కోణంలో దర్యాప్తు కొనసాగుతోందని వెల్లడించింది.