Road Accident : తెలంగాణలో ఘోర రోడ్డు ప్రమాదం.. నలుగురు స్పాట్ డెడ్
తెలంగాణలో ఘోర రోడ్డు ప్రమాదం జరిగింది. ఈ ప్రమాదంలో నలుగురు అక్కడికక్కడే మరణించారు
తెలంగాణలో ఘోర రోడ్డు ప్రమాదం జరిగింది. ఈ ప్రమాదంలో నలుగురు అక్కడికక్కడే మరణించారు. రాష్ట్రంలోని నిర్మల్ జిల్లాలో ఈ ప్రమాదం జరిగింది. మరో ఇద్దరి పరిస్థితి విషమంగా ఉంది. అతి వేగంగా వస్తున్న కారు అదుపు తప్పి కంటైనర్ ను ఢీకొట్టడంతోనే ఈ ప్రమాదం జరిగింది. నిర్మల్ జిల్లా భైంసా పట్టణంలో అతి వేగంగా వస్తున్న కారు కంటైనర్ ను ఢీకొట్టింది. భైంసా బస్ డిపో సమీపంలో ఈ ప్రమాదం జరిగింది. నిర్మల్ జిల్లాకు చెందిన కుబేర్ మండలం కుప్టి గ్రామానికి చెందిన బాబన్న, భోజరాం పటేల్, రాజన్న, వికాస్ లతో పాటు మరో ఇద్దరు కారులో బయలుదేరి వస్తుండగా అదుపు తప్పింది.
అతి వేగం కారణంగానే...
ఈ ప్రమాదంలో ఈ నలుగురు మరణించగా మరో ఇద్దరికి గాయాలయ్యాయి. వారిని ఆసుపత్రికి తరలించి చికిత్స అందిస్తున్నారు.వారి ద్దరి పరిస్థితి కూడా విషమంగా ఉందని వైద్యులు చెబుతున్నారు. ఈ ప్రమాదంతో ఆ మార్గంలో ట్రాఫిక్ నిలిచిపోవడంతో పోలీసులు వచ్చి ట్రాఫిక్ ను నియంత్రిస్తున్నారు. పోలీసులు కేసు నమోదు చేసుకుని దర్యాప్తుచేస్తున్నారు. అతి వేగంతో పాటు నిద్రమత్తులో డ్రైవ్ చేయడం ప్రమాదానికి కారణంగా పోలీసులు ప్రాధమికంగా భావిస్తున్నారు. పోలీసులు పోస్టుమార్టం నిమిత్తం మృతదేహాలను ఆసుపత్రికి తరలించారు.