Murder Case : నమ్మించి అడవుల్లోకి తీసుకెళ్లి గొంతుకోసి.. పెట్రోలు పోసి తగులబెట్టి

శ్రావణి, శ్రీశైలం లు ప్రేమించి పెళ్లి చేసుకున్నారు. పెద్దలను ఒప్పించి అందరి సమక్షంలోనే వివాహం చేసుకున్నారు. అయితే పెళ్లయిన నాటి నుంచి శ్రీశైలం శ్రావణని అనుమానిస్తున్నాడు. అనుమానం పెనుభూతంగా మారింది. శ్రావణని అంతమొందించాలని నెల రోజుల క్రితమే పథకం వేశాడు. హైదరాబాద్ లోని ఎర్రగడ్డలో ఒక రంపం కొనుగోలు చేసినట్లు పోలీసులు తెలిపారు. తన భార్య శ్రావణికి ఆమె బావతో వివాహేతర సంబంధం ఉందని భావించిన శ్రీశైలం ఆమెను హతమార్చాలని నిర్ణయించుకుని పక్కా ప్లాన్ తో టూర్ కు వెళదామని నమ్మించి శ్రావణని తీసుకెళ్లాడు.

భార్య శ్రావణిపై గత కొంత కాలం నుంచి అనుమానం పెంచుకున్న శ్రీశైలం సోమశిల వెళ్దామని చెప్పి నల్లమల అటవీ ప్రాంతానికి శ్రీశైలం తీసుకెళ్లాడు. అక్కడశ్రావణి గొంతుకోసి చంపిన భర్త శ్రీశైలం మృతదేహాన్ని పెట్రోల్‌ పోసి తగల బెట్టినట్లు పోలీసులు తెలిపారు. దీంతో శ్రావణి తల్లిదండ్రులు ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తును ప్రారంభించారు. అయితే తానే భార్య శ్రావణని హత్య చేసినట్లు శ్రీశైలం అంగీకరించినట్లు తెలిసింది. పోలీసులు కేసు నమోదు చేసి దర్యాప్తు చేస్తున్నారు. వివాహేతర సంబంధం ఉందన్న అనుమానమే ఈ హత్యకు కారణమని పోలీసులు ప్రాధమికంగా గుర్తించి ఆ దిశగా దర్యాప్తును ప్రారంభించారు.