ప్రపంచంలోనే మొట్టమొదటి AI ల్యాప్‌టాప్ వచ్చేస్తోంది!

దక్షిణ కొరియాకు చెందిన ఎలక్ట్రానిక్స్ దిగ్గజం శాంసంగ్ అద్భుతమైన ల్యాప్‌టాప్‌ను పరిచయం చేయనుంది. శాంసంగ్ ప్రపంచంలోనే మొట్టమొదటి కృత్రిమ మేధస్సు ల్యాప్‌టాప్‌ను విడుదల చేయనుంది. గెలాక్సీ బుక్ 4 పేరుతో ఈ ల్యాప్‌టాప్ త్వరలో మార్కెట్లోకి రానుందని నివేదిక చెబుతోంది. Galaxy Book 4 ల్యాప్‌టాప్ డిసెంబర్ 15న ప్రపంచ మార్కెట్‌లో విడుదల కానుంది. అయితే, దీనిని భారత మార్కెట్లోకి ఎప్పుడు తీసుకురానున్నారనే దానిపై అధికారిక ప్రకటన లేదు.

ఈ ల్యాప్‌టాప్ ఫీచర్ల విషయానికొస్తే, ఇది ఇంటెల్ కోర్ అల్ట్రా 7155H చిప్‌సెట్ ప్రాసెసర్‌ని కలిగి ఉంది. ఇది చాలా వేగవంతమైన పనితీరుతో పనిచేస్తుంది. ఈ ల్యాప్‌టాప్ ప్రత్యేకత ఏంటంటే.. ఇంటర్నెట్ కనెక్షన్ లేకుండానే చాలా పనులు చేసుకోవచ్చు. గెలాక్సీ బుక్ 4 ల్యాప్‌టాప్ శామ్‌సంగ్ గాస్ అనే కృత్రిమ మేధస్సు ద్వారా అందించబడుతుంది. ప్రాసెసింగ్ యూనిట్లు ఈ ల్యాప్‌టాప్ CPUలో ఇన్‌స్టాల్ చేసి ఉంటాయి. ఈ AI సహాయంతో వేగంగా పనిచేస్తుంది. ఇది 32 GB RAM, 1 TB వరకు ఆన్-బోర్డ్ స్టోరేజీ కలిగి ఉండే అవకాశం ఉంది. ఇది గ్రాఫిక్స్ కోసం ఎంచుకున్న మోడల్‌లను బట్టి NVIDIA GeForce RTX 4050 GPUని కలిగి ఉంటుందని కంపెనీ చెబుతోంది. త్వరలోనే పూర్తి వివరాలను కంపెనీ ప్రకటించనుంది.