Railway Rules: రైలులో ఈ తప్పులు చేస్తే జైలు శిక్ష ప‌డ‌వ‌చ్చు

ప్రయాణీకుల సురక్షిత ప్రయాణాన్ని దృష్టిలో ఉంచుకుని, రైల్వే అనేక నియమాలను రూపొందించింది. ఈ నిబంధనలను ఉల్లంఘించినందుకు భారీ జరిమానా లేదా శిక్ష విధించే నిబంధన ఉంది. ఎవరైనా అనుమతి లేకుండా రైల్వే ప్రాంగణంలో వస్తువులు అమ్మినా నేరంగా పరిగణిస్తారు. అటువంటి సందర్భంలో, భారతీయ రైల్వే సెక్షన్ 144 ప్రకారం చర్య తీసుకోవచ్చు. నేరం రుజువైతే 1 సంవత్సరం జైలు శిక్ష, రూ. 2,000 వరకు జరిమానాను ఎదుర్కోవలసి ఉంటుంది.

చాలా సార్లు ప్రజలు తమ సీట్లను వదిలివేసి మరొక కంపార్ట్‌మెంట్‌లో ప్రయాణించడం కనిపిస్తుంది. దాని వల్ల అనేక సమస్యలు తలెత్తుతాయి. అలాంటి సందర్భాలలో, రైల్వే చట్టం ప్రకారం చర్యలు తీసుకోవచ్చు, అలాగే దూర ప్రయాణ ఛార్జీల చెల్లింపుతో పాటు రూ.250 జరిమానా విధించవచ్చు. రైల్వే టిక్కెట్లు రిజిస్టర్డ్ కౌంటర్లు లేదా అధీకృత ఏజెంట్ల ద్వారా మాత్రమే విక్రయించబడతాయి. అనుమ‌తి లేకుండా ప్రయాణీకులకు టిక్కెట్లను విక్రయిస్తే రూ. 10,000 జరిమానా, సెక్షన్ 143 ప్రకారం 3 సంవత్సరాల జైలు శిక్ష విధిస్తారు.