Gold Price Today : తీపికబురు.. సంక్రాంతికి ముందు మరింత గోల్డ్ రేట్స్ తగ్గుతాయట

బంగారం ధరలు అదుపులోకి రావడం సంతోషకరమైన విషయమే. చాలా మంది బంగారం ధరలు తగ్గుముఖం పట్టాయి. పది రోజుల వ్యవధిలోనే బంగారం ధరలు పది శాతం వరకూ తగ్గాయి. వెండి ధరలు కూడా కిలో రెండు లక్షల రూపాయలు దాటేసి మళ్లీ లక్షా యాభై వేలకు పడిపోయింది. అంటే దాదాపు పది రోజుల్లోనే కిలో వెండి ధర యాభై వేల రూపాయలు తగ్గింది. ఇది వినియోగదారుల కోణంలో చూస్తే మంచి పరిణామమే. అయితే పెట్టుబడి పెట్టిన వారు మాత్రం ధరలు పతనం అవ్వడంతో కొంత నష్టం చూడాల్సి వస్తుంది. అయితే వారి సంఖ్య చాలా తక్కువగానే ఉంటుంది. వెండి ధర రెండు లక్షలు దాటడంతో ఇంకా పెరుగుతుందని ఎక్కువ మంది వెండిపై పెట్టుబడి పెట్టారు.

అందులోనూ పెళ్లిళ్ల సీజన్ నడుస్తుండటం, శుభకార్యాాలు జరుగుతుండటంతో బంగారం ధరలు తగ్గుతుండటం కొనుగోలు దారులకు ఊరట కలిగిస్తున్నాయి. ఇదే పరిస్థితి కొనసాగితే బంగారం పది గ్రాములు లక్ష రూపాయలకు చేరుకునే రోజు ఎంతో లేదంటున్నారు. ఈరోజు దేశంలో బంగారం ధరలు స్వల్పంగా తగ్గింది. వెండిధరల్లో కూడా తగ్గుదల కనిపించింది. వెండి ధర మరింత తగ్గే అవకాశముందని చెబుతున్నారు. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,10,740 రూపాయలకు చేరకుంది. 24 క్యారెట్ల పది గ్రాముల బంగారం ధర 1,20,810 రూపాయలుగా ఉంది. కిలో వెండి ధర 1,64,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులుండవచ్చు.