Gold Prices Today : బంగారం ధరలు పెరుగుతాయా? తగ్గుతాయా? తెలుసుకోండిలా

ఇరాన్ - అమెరికా యుద్ధానికి ఐదు రోజుల బ్రేక్ పడింది. పశ్చిమాసియాలో యుద్ధం ముగియడంతో స్టాక్ మార్కెట్లు కూడా పుంజుకున్నాయి. అదే సమయంలో బంగారం, వెండి ధరలు మరింతగా పెరుగుతాయన్నది మార్కెట్ నిపుణుల అంచనాగా వినిపిస్తుంది. ప్రస్తుతం యుద్ధం కొనసాగుతుండటంతో బంగారంపై పెట్టిన పెట్టుబడిని వెనక్కు తీసుకోవడం, తమ వద్ద ఉన్న నగదును బంగారం, వెండిపై ఖర్చు పెట్టేందుకు ఎవరూ ఇష్టపడకపోవడంతో ధరలు గణనీయంగా పడిపోయాయని, అయితే యుద్ధం ముగిసిన తర్వాత తిరిగి ధరలు పెరుగుతాయని అంటున్నారు.

పెళ్లిళ్ల సీజన్ కూడా ప్రస్తుతం లేదు. శుభకార్యాలు ముందుగానే ముహూర్తాలు ఫిక్స్ అయిన వారు కొనుగోలు చేస్తున్నారు. బులియన్ మార్కెట్ అయితే ప్రస్తుతం కళకళలాడుతూనే ఉంది. ఈరోజు దేశంలో బంగారం ధరలు భారీగా తగ్గాయి. వెండి ధరల్లో భారీ తగ్గుదల కనపించింది. పది గ్రాముల బంగారం ధరపై పది వేల రూపాయలు తగ్గింది. కిలో వెండి ధరపై ఇరవై వేల రూపాయలు తగ్గింది. ఈరోజు ఉదయం ఆరు గంటలకు ఉదయం హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,24,340 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,35,640 రూపాయలుగా నమోదయింది. కిలో వెండి ధర 2,29,900 రూపాయలుగా ట్రేడ్ అవుతుంది.