Gold Price Today : అందినట్లే అంది బంగారం చిక్కకుండా పోతుందా ఏంది?

పసిడి ధరలు మరింతగా పెరుగుతున్నాయి. గత రెండు రోజుల నుంచి ధరలు పెరుగుతూనే ఉన్నాయి. భారీగా ధరలు పెరుగుతుండటంతో నిన్న మొన్నటి వరకూ ఇక పసిడి ధరలు దిగి వస్తాయని ఆశిస్తున్న వారికి నిరాశ ఎదురయింది. అందులోనూ పెళ్లిళ్ల సీజన్ ప్రారంభం కావడంతో పాటు ముహూర్తాలు కూడా ఎక్కువగా ఉండటంతో బంగారం, వెండి వస్తువుల గిరాకీపై ఈ ప్రభావం పడుతుందని జ్యుయలరీ దుకాణాల యాజమానులు ఆందోళన వ్యక్తం చేస్తున్నారు. గత ఏడాది నుంచి పెరిగిన ధరలతో బంగారం, వెండి వస్తువులు అమ్ముడు పోక చాలా ఇబ్బందులు పడ్డామని, కనీసం నిర్వహణ ఖర్చులు కూడా రాలేదని, మళ్లీ అదే పరిస్థితి వస్తే కోలుకోవడం కష్టమేనని అంటున్నారు.

ఇక పెట్టుబడి పెట్టేవారు సయితం ధరలు పెరుగుతుండటంతో కొంత ఆనందం వ్యక్తం చేస్తున్నారు. ఇటీవల ధరలు భారీగా పతనమవ్వడంతో బంగారం, వెండిపై పెట్టిన పెట్టుబడులను వెనక్కు తీసుకోలేదు. కొంత కాలం వెయిట్ చేయాలని భావించారు. ఇప్పుడు ధరలు పెరుగుతుండటంతో మరికొద్ది కాలం వెయిట్ చేయాలని భావిస్తున్నారు. ఈరోజు దేశంలో బంగారం ధరలు పెరిగాయి. వెండి ధరలు స్వల్పంగా తగ్గాయి. పది గ్రాముల బంగారం ధరపై 850 రూపాయలు పెరిగింది. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,44,260 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,57,380 రూపాయలుగా కొనసాగుతుంది. కిలో వెండి ధర 2,69,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులుండవచ్చు.