Gold Rates Today : మళ్లీ పెరిగిన బంగారం ధరలు...మార్కెట్ నేడు ధరలు ఎంతంటే?

కొంతకాలం క్రితం మార్కెట్ నిపుణులు అంచనా వేసిన ప్రకారం బంగారం, వెండి ధరలు పెరుగుతూనే ఉన్నాయి. అయితే మరికొందరు అంచనా వేసినట్లు పది గ్రాముల బంగారం ధర యాభై వేల రూపాయలకు చేరుకుంటుందని వేసిన అంచనాలు మాత్రం అస్సలు కనిపించడం లేదు. గత కొద్ది రోజులుగా బంగారం ధరలు పెరగడమే కాని, తగ్గడం అనేది జరగడం లేదు. గత వారం రోజుల నుంచి పది గ్రాముల బంగారం ధర దాదాపు మూడు వేల రూపాయల వరకూ పెరిగిందంటే ఏ రేంజ్ లో పెరుగుతున్నాయో అర్థం చేసుకోవచ్చు. ఇప్పుడు పది గ్రాముల బంగారం కొనుగోలు చేయాలంటే, తరుగు, జీఎస్టీ వంటి అదనపు రుసుములతో లక్షన్నర రూపాయల వరకూ అవుతుంది.

పెళ్లిళ్ల సీజన్ నడుస్తున్నప్పటికీ, పండగల సీజన్ అయినప్పటికీ బంగారం ధరలు అమాంతం పెరగడంతో వాటిని కొనుగోలు చేసేవారు కనుచూపు మేరలో కనిపించడం లేదు. బంగారంపై పెట్టుబడి పెట్టేవారు సయితం ధరలు పతనమవుతాయేమోనన్న ఆందోళనతో కొనుగోలు చేయడం లేదు. ఈరోజు దేశంలో బంగారం ధరలు పెరిగాయి. వెండి ధరలు తగ్గాయి. ఉదయం ఆరు గంటలకు హైదరాబాద్ బులియన్ మార్కెట్ లో నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 96,190 రూపాయలకు చేరుకుంది. 24 క్యారెట్ల పది గ్రాముల బంగారం ధర 1,04,940 రూపాయలుగా నమోదయింది. కిలో వెండి ధర 1,34,900 రూపాయలుగా ట్రేడ్ అవుతుంది. మధ్యాహ్నానికి ధరల్లో మార్పులు జరగవచ్చు.