Gold Price Today : షాక్ లు మీద షాక్ లు ఇస్తున్న గోల్డ్...పెరగనిదే పొద్దు గడవదులా ఉందిగా?

బంగారం విషయంలో అందరికీ ఒక అభిప్రాయం ఉంది. బంగారం కొనుగోలు చేస్తే నష్టం ఉండదని, నిజమే.. బంగారం సురక్షితమైన పెట్టుబడి కావచ్చు. కానీ ముందుగా పెద్ద మొత్తంలో డబ్బులు వెచ్చించి బంగారాన్ని కొనుగోలు చేయడమే అసలు సమస్య. ఈ నెలలోనే వేల రూపాయల మేరకు పది గ్రాముల బంగారం ధర పెరిగింది. ఇక వెండి కూడా అదే బాటలో పయనిస్తుంది. ఈ రెండు వస్తువులు కొనుగోలు చేయడానికి ఆర్థిక స్థోమత అవసరం. అందుకే బంగారం కొనుగోళ్లు గత కొంతకాలంగా మందగించాయి. అనేక విషయాల్లోనూ భారతీయులతో పాటు ప్రధానంగా దక్షిణాది ప్రాంతానికి చెందిన వారు రాజీ పడి శుభకార్యాలను నిర్వహించుకునే పరిస్థితికి వచ్చింది.

ప్రస్తుతం పెళ్లిళ్ల సీజన్ మళ్లీ ప్రారంభమయింది. శుభ కార్యాలు కూడా జరుగుతున్నాయి. బంగారం ధరలు పెరగడమే తప్ప ఇక తగ్గేది ఉండదన్నది అందరికీ తెలుసు. దీపావళి కూడా ఉండటంతో ధన్ తెరాస్ దెబ్బకు బంగారం పది గ్రాములు లక్షన్నరకు చేరుకుంటుంది. ఈరోజు దేశంలో బంగారం ధరలు భారీగా పెరిగాయి. వెండి ధరలు స్వల్పంగా తగ్గాయి. పది గ్రాముల బంగారం ధరపై రెండు వేల రూపాయల వరకూ పెరిగింది. కిలో వెండి ధరపై వంద రూపాయలు తగ్గింది. హైదరాబాద్ బులియన్ మార్కెట్ లో ఉదయం ఆరు గంటలకు నమోదయిన బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 1,09,310 రూపాయలుగా నమోదయింది. 24 క్యారెట్ల పది గ్రాముల బంగారం ధర 1,19,250 రూపాయలకు చేరుకుంది. కిలో వెండి ధర 1,60,900 రూపాయలుగా ట్రేడ్ అవుతుంది. మధ్యాహ్నానికి ఈ ధరల్లో మార్పులుండవచ్చు