Gold Prices Today : పసిడి కొనుగోలు చేయాలనుకున్న వారికి నిరాశ తప్పదా?

పసిడి ధరలలో అనేక కారణాలతో రోజు మార్పులు జరుగుతుంటాయి. మొన్నటి వరకూ పది గ్రాములపై పది రూపాయలు తగ్గి ఊరించిన పసిడి అమాంతం పెరుగుతూ ఆందోళనకు గురి చేస్తుంది. నిన్న పది గ్రాముల బంగారం ధరపై ఐదు వందల రూపాయలు పెరిగింది. వెండి ధరలు కూడా పెరుగుతూనే ఉన్నాయి. పెళ్లిళ్ల సీజన్ కూడా ముగుస్తున్న సమయంలో ధరలు పెరుగుతుండటమేంటన్న ప్రశ్న తలెత్తుతుంది. అయితే దిగుమతులు తగ్గడమే కాకుండా, బంగారం నిల్వలు కూడా తగ్గడంతోనే బంగారం ధరలు పెరిగాయంటున్నారు.

ఈరోజు దేశంలో బంగారం ధరలు పెరిగాయి. వెండి ధరలు కూడా అదే బాటలో కొనసాగుతున్నాయి. పసిడి పైపైకి చూస్తుండటంతో కొనుగోలు చేయాలనుకున్న వారు వెనక్కు తగ్గే పరిస్థితి ఏర్పడింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 64,140 రూపాయలుగా కొనసాగుతుంది. 24 క్యారెట్ల పది గ్రాముల బంగారం ధర 69,970 రూపాయలుగా నమోదయింది. కిలో వెండి ధర 84,900 రూపాయలుగా ట్రెండ్ అవుతుంది.