తిరుమలలో భక్తుల రద్దీ ఎంతంటే?

ఈరోజు నుంచి వీఐపీ బ్రేక్ దర్శనాలను 7.30 నుంచి అమలు చేయనున్నారు. సర్వదర్శనం భక్తులకు ఇబ్బంది కలగకుండా ఈ నిర్ణయం తీసుకున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన వారికి రెండు నుంచి మూడు గంటల సమయం పడుతుందని అధికారులు వెల్లడించారు. నిన్న తిరుమల శ్రీవారిని 69,640 మంది భక్తులు దర్శించుకున్నారు. వీరిలో 28,649 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.65 కోట్ల రూపాయలు వచ్చిందని అధికారులు తెలిపారు.