అక్క ఆరాటమే కానీ..న్యాయ పోరాటం ఎక్కడ?

దస్తగరి, డ్రైవర్ ప్రసాద్, దస్తగిరి రెండో భార్య స్టేట్ మెంట్ ను ఎందుకు రికార్డు చేయలేదని తెలిపారు. ఒకసారి ఇచ్చిన వాంగ్మూలాన్ని మళ్లీ మార్చేందుకు సీబీఐ ఎలా అవకాశమిచ్చిందని వైఎస్ అవినాశ్ రెడ్డి ప్రశ్నించారు. వైఎస్ వివేకానందరెడ్డి హత్య కేసులో వన్ సైడ్ విచారణను సీబీఐ చేసిందని అన్నారు. డ్రగ్స్ కేసులో టీడీపీ ఎంపీ దొరికిపోవడంతో మళ్లీ దానిని పక్క దోవపట్టించేందుకు మళ్లీ వైఎస్ సునీత ముందుకు వచ్చిందని వైఎస్ అవినాశ్ రెడ్డి అన్నారు. రాజకీయంగా చంద్రబాబుకు ప్రయోజనం చేయాలని ఆరాటం తప్ప, సునీతకు న్యాయ పోరాటం చేయడం లేదన్నారు. వైఎస్ వివేకానందరెడ్డి రాసిని చివరి లేఖను ఎందుకు దాచి పెట్టారని వైఎస్ అవినాశ్ రెడ్డి ప్రశ్నించారు. పన్నెండు సార్లు తనను సీబీఐ తనను విచారించిందని, తన వాదనలను సీబీఐ వినిపించుకోలేదని అవినాశ్ రెడ్డి అన్నారు. గత కొన్నేళ్లుగా తమను ఎందరో ఈ కేసు విషయంలో తనను దూషించారని, ఏదో ఒకరోజు నిజం బయటకు వస్తుందని వైఎస్ అవినాశ్ రెడ్డి అన్నారు. వైఎస్ వివేకానందరెడ్డి గుండెపోటుతో చనిపోయారని చెప్పింది సునీతేనని ఆయన అన్నారు.