అంబటి రాంబాబును కస్టడీకి పిటీషన్
మాజీ మంత్రి అంబటి రాంబాబును కస్టడీకి కోరుతూ పోలీసులు న్యాయస్థానంలో పిటిషన్ వేశారు
మాజీ మంత్రి అంబటి రాంబాబును కస్టడీకి కోరుతూ పోలీసులు న్యాయస్థానంలో పిటిషన్ వేశారు. సంక్రాంతి సంబరాల పేరుతో లాటరీ నిర్వహించారని 2023లో నమోదైన కేసులో దర్యాప్తునకు ఐదు రోజుల కస్టడీని పోలీసులు కోరారు. ఈ కేసులో పెద్దయెత్తున డబ్బులు చేతులు మారాయని, వాటిని విచారించడం కోసం అనుమతివ్వాలని కోరారు.
సోమవారానికి వాయిదా...
ఈ కేసులో ప్రస్తుతం అంబటి రాంబాబు రాజమండ్రి జైలులో ఉన్నారు. అన్ని కేసుల్లో బెయిల్ వచ్చినప్పటికీ ఈ కేసులో పీటీ వారెంట్ జారీ చేసి కోర్టులో ప్రవేశపెట్టడంతో న్యాయస్థానం రిమాండ్ విధించింది. కస్టడీకి పోలీసులు కోరారు. అయితే న్యాయస్థానం మాత్రం తీర్పు సోమవారానికి వాయిదా వేసింది. ఎల్లుండి దీనిపై తీర్పు వెలువడే అవకాశముంది.