Pemmasani Chandra Sekhar : దూసుకుపోతున్న కేంద్ర మంత్రి.. వరస బాధ్యతలను అప్పగిస్తుండటంతో?

కేంద్ర మంత్రి పెమ్మసాని చంద్రశేఖర్ కూటమి ప్రభుత్వంలో కీలకంగా మారారు. ఆయన గుంటూరు పార్లమెంటు నియోజకవర్గం నుంచి తొలిసారిగా ఎంపీగా గెలిచారు. గుంటూరు జిల్లాకు చెందిన పెమ్మసాని చంద్రశేఖర్ అమెరికాలో ఉంటూ వేల కోట్ల రూపాయలు ఆర్జించారు . తర్వాత ఆయనను టీడీపీ రాజకీయాల్లోకి ఆహ్వానించడంతో తొలిసారి రాజకీయాల్లోకి వచ్చి అత్యున్నత సభ పార్లమెంటులో కాలుమోపారు. తొలిసారి ఎంపీ అయినప్పటికీ ఆయనకు కేంద్ర మంత్రి పదవి లభించింది. ప్రస్తుత పార్లమెంటు సభ్యుల్లో అత్యంత ధనవంతుడు పెమ్మసాని చంద్రశేఖర్. అయితే పెమ్మసాని గుంటూరు పార్లమెంటు నియోజకవర్గంపై ప్రత్యేకంగా దృష్టి పెట్టారు. సొంత నిధులను కూడా వెచ్చించి కొన్ని అభివృద్ధి పనులు చేయడంతో పాటు కేంద్ర, రాష్ట్ర ప్రభుత్వ నిధులను వినియోగిస్తున్నారు.