Pawan Kalyan : పవన్ ఫోకస్ అంతా దానిపైనే.. అందుకే ఆయన కనిపించరట

అందుకే విపత్తు జరిగిన సమయంలోనూ పవన్ కల్యాణ్ దూరంగా ఉండి తన శాఖ పనులతో పాటు ప్రభుత్వం తనకు నిర్దేశించిన పనులు సమర్థంగా గ్రౌండ్ అయ్యేలా చూస్తారు. ఆ మధ్య బుడమేరు పొంగి విజయవాడను ముంచెత్తినప్పుడు కూడా పవన్ కల్యాణ్ ముందుగా జనంలోకి రాకపోవడానికి అదే కారణం. తాను బాధితులను పరామర్శించడానికి వచ్చినా, సహాయ కార్యక్రమాలను పర్యవేక్షించడానికి బయలుదేరినా, వాస్తవ పరిస్థితులు తెలుసుకునేందుకు అక్కడకు వెళ్లినా అభిమానులు వెంటనే చుట్టుముడతారు. ఏదైనా అనుకోని ప్రమాదం జరిగితే అది తనను బాధిస్తుందని పవన్ కల్యాణ్ నమ్ముతారు. అందుకే పవన్ కల్యాణ్ జనంలోకి వచ్చే విషయంలో ఇప్పుడూ.. ఎప్పుడూ దూరంగానే ఉంటారు.

తాజాగా మొంథా తుపాను సమయంలోనూ తన కార్యాలయం నుంచి పవన్ కల్యాణ్ నిరంతరం అధికారులతో సమీక్ష నిర్వహించారు. విపత్తు సమయంలో అగ్రభాగాన నిలిచే పంచాయతీరాజ్ అధికారులను అప్రమత్తం చేశారు. వారిని క్షేత్ర స్థాయికి వెళ్లి ప్రజలకు అండగా నిలబడాలని ఆదేశించారు. ముఖ్యంగా సముద్రం అల్లకల్లోలంగా ఉంటుంది కాబట్టి తీర ప్రాంతంలో ఉన్న మత్స్యకారుల బాగోగులను పవన్ కల్యాణ్ దగ్గరుండి అధికారులకు మార్గనిర్దేశనం చేశారు. ఇవన్నీ మీడియాలో పెద్దగా హైలెట్ కాకపోయినా ఆయనకు పరవాలేదు. పవన్ కు కావాల్సిన ఇమేజ్ కు చెక్కుచెదరదని ఆయన నమ్మకం. అందుకే పవన్ కల్యాణ్ మొంథా తుపాను సమయంలో తన పని తాను చేసుకుని వెళ్లారు. ప్రాణనష్టం జరగకుండా చూడాలని పదే పదే పవన్ అధికారులను ఆదేశించారు. చివరకు ముప్పు తప్పడంతో పవన్ తో పాటు అధికారులు కూడా ఊపిరి పీల్చుకున్నారు.