Tadipathri : తాడిపత్రికి వచ్చిన పెద్దారెడ్డి .. అడ్డుకునేందుకు యత్నించిన ప్రభాకర్ రెడ్డి

అనంతపురం జిల్లాలో తాడిపత్రిలో టెన్షన్ మామూలుగా లేదు. మాజీ ఎమ్మెల్యే కేతిరెడ్డి పెద్దారెడ్డి తాడిపత్రికి రావడంతో ఆయన వర్గీయులను మున్సిపల్ ఛైర్మన్ జేసీ ప్రభాకర్ రెడ్డి అడ్డుకున్నారు. దాదాపు ఏడాది నుంచి తాడిపత్రికి కేతిరెడ్డి పెద్దారెడ్డి రాలేదు. అయితే ప్రత్యర్ధులుదాడి జరిగే అవకాశం ఉండడంతో పెద్దారెడ్డిని తాడిపత్రికి అనుమతించలేదు. తాడిపత్రి వెళ్లేందుకు గతంలోనే హైకోర్టు పెద్దారెడ్డికి అనుమతి ఇవ్వడంతో ఆయన నేడు వచ్చారు. తాడిపత్రి వెళ్లేందుకు హైకోర్టు అనుమతించినా పోలీసులు వెళ్లనివ్వడం లేదని మరోసారి హైకోర్టును పెద్దారెడ్డి ఆశ్రయించారు. పోలీసులు హైకోర్టు ఆదేశాలు పాటించడం లేదని ఇటీవల కోర్టు ధిక్కరణ పిటిషన్ వేశారు. దీంతో నేడు పెద్దారెడ్డి తాడిపత్రి వస్తుండటంతో అవాంఛనీయ ఘటనలు జరగకుండా పోలీసులు భారీ బందోబస్తును ఏర్పాటు చేశారు.