Weather Report : ఈ జిల్లాల్లోనే వానలు.. మిగిలిన చోట్ల ఎండలు

హిందూ మహాసముద్రం, దానికి ఆనుకుని ఉన్న నైరుతి బంగాళాఖాతం పై విస్తరించి ఉన్న ఉపరితల ఆవర్తన ప్రభావంతో రాబోయే 48 గంటల్లో అల్పపీడనం ఏర్పడే అవకాశం ఉందని ఆంధ్రప్రదేశ్ రాష్ట్ర విపత్తుల నిర్వహణ సంస్థ తెలిపింది. ఆ తరువాత ఇది పశ్చిమ–వాయువ్య దిశగా కదిలే అవకాశముందని పేర్కొంది.ఈ ప్రభావంతో ఆదివారం కడప, అన్నమయ్య మదనపల్లె లో , చిత్తూరు, తిరుపతి జిల్లాల్లో అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది. మిగతా జిల్లాల్లో కొన్నిచోట్ల పిడుగులతో కూడిన తేలికపాటి వర్షాలు పడే అవకాశముందని వెల్లడించారు. ఉరుములు, పిడుగులు పడే సమయంలో ప్రజలు చెట్ల క్రింద నిలవకూడదని, ఖాళీ ప్రదేశాల్లో ఉండకుండా అప్రమత్తంగా ఉండాలని అధికారులు సూచించారు.