Asmith Reddy : అస్మిత్ రెడ్డి ఇలా ఓపెన్ అయిపోయారేంటబ్బా?

తాడిపత్రి ఎమ్మెల్యే అస్మిత్ రెడ్డి బహిరంగంగానే ప్రభుత్వం వద్ద నిధులు లేవని చెప్పారు. కూటమి పార్టీలో ఇది చర్చనీయాంశమైంది. స్థానిక సంస్థల ఎన్నికల సమయం వచ్చేస్తుంది. అయితే ఆంధ్రప్రదేశ్ లో ఖజానా బోసిపోయింది. మున్సిపాలిటీల్లో పనులు జరగక కూటమి నేతల్లోనే ఆందోళన వ్యక్తమవుతుంది. అభివృద్ధి పనులకు నిధులు కేటాయింపు జరగడం లేదు. తాడిపత్రి ఎమ్మెల్యే అస్మిత్ రెడ్డి ఈ విషయాన్ని సూటిగా చెప్పారు. సంక్షేమ పథకాలకు నిధులు ఖర్చు చేస్తుంటే ఇక అభివృద్ధి పనులకు నిధులు ఎక్కడి నుంచి వస్తాయని అస్మిత్ రెడ్డి సభలో ప్రజలను ప్రశ్నించడం చూస్తే వచ్చే స్థానిక సంస్థల ఎన్నికల్లో అధికార పార్టీ ఎలా నెగ్గుకు రాగులుతుందన్న అనుమానం ఎవరికైనా కలుగుతుంది. కూటమి ప్రభుత్వం అధికారంలోకి వచ్చిన తర్వాత ప్రధానంగా సంక్షేమంపై దృష్టి పెట్టింది.