చెడును ఎదరించడానికి ప్రజలు కూడా ముందుకు రావాలి : చంద్రబాబు

రాష్ట్రాన్ని సర్వనాశనం చేశారని, గంజాయి రవాణా చేశాని, గత పాలకులు శ్రీవారి ప్రసాదాన్ని కూడా నాసిరకంగా తయారు చేయించారన్నారు. ఆ పవిత్రతను దెబ్బతీసే అధికారం ఎవ్వరికీ లేదని, అలాంటి ప్రసాదాన్ని అపవిత్రం చేశారని చంద్రబాబు అన్నారు. రు సరఫరా చేసిన కల్తీ నెయ్యిని పరీక్ష చేయించామని, జంతువుల కొవ్వు ఉందని ల్యాబ్ నివేదిక వచ్చిందన్న చంద్రబాబు దీనిపై ఏర్పాటైన సిట్ విచారణ చేసి అది అసలు నెయ్యే కాదని చెప్పిందని అన్నారు. వాళ్లు చేసిన తప్పును ఇతరుల పై నెట్టి వేయడానికి ప్రయత్నాలు చేస్తూనే ఉన్నారని, వివేకా హత్య ఘటనలో నాటకాల రాయుడు రోజుకు ఓ వేషం వేశారన్న చంద్రబాబు చిన్నాన్న కుమార్తె కూడా మోసపోయేంతగా నాటకాలు వేశారన్నారు. లడ్డూ ప్రసాదం అపవిత్రం చేశారని చెబితే అవినీతి జరిగిందని చెబుతుంటే తిరిగి హెరిటేజ్‌పై ఆరోపణలు చేస్తున్నారన్నారు. రాష్ట్రాన్ని కాపాడుకునే బాధ్యత నా ఒక్కడిదే కాదు ప్రజలందరిదీ కూడా అని తెలిపారు. చెడును నిరాకరించే పరిస్థితి ప్రజల్లోనూ రావాలని, అప్పుడే రాజకీయ ప్రక్షాళన జరుగుతుందని చంద్రబాబు పిలుపు నిచ్చారు.