Kodali Nani : కొడాలి నాని ఫిక్స్ అయినట్లుందిగా.. సవాల్ విసరడానికి అదే రీజనట

కానీ గుడివాడ నియోజకవర్గంలో తిరిగి తన పట్టు నిలుపుకునేందుకు కొడాలి నాని తిరిగి ప్రయత్నాలు మొదలు పెట్టినట్లు అర్థమవుతుంది. మాజీ మంత్రి అంబటి రాంబాబును పరామర్శించేందుకు గుంటూరుకు వచ్చిన కొడాలి నాని చేసిన వ్యాఖ్యలే ఇందుకు కారణం. ఇటీవల జగన్ పేరు రెడ్ బుక్ లో ఉందో లేదో త్వరలో తెలుస్తుందని ఒక ఇంటర్వ్యూలో చేసిన వ్యాఖ్యలకు కొడాలి నాని స్ట్రాంగ్ కౌంటర్ ఇచ్చారు. బాలయ్య డైలాగుతో లోకేశ్ పై విమర్శలు చేశారు. రెడ్ బుక్ లో పేరున్నా అది లోకేశ్ కు మంచిది కాదని, లేకపోయినా తర్వాత జగన్ అధికారంలోకి వచ్చిన తర్వాత మంచిది కాదని కూడా చెప్పి తాను యాక్టివ్ అయ్యాయనని, ఏం చేస్తారో చేసుకోండని సవాల్ విసిరారు. ఇది తెలుగుదేశం పార్టీలోనూ చర్చనీయాంశమైంది.

కొడాలి నాని గుడి వాడ నియోజకవర్గం నుంచి నాలుగు సార్లు ఎమ్మెల్యేగా విజయం సాధించారు. రెండు సార్లు టీడీపీ, రెండు సార్లు వైసీపీ నుంచి గెలిచారు. చంద్రబాబు, ఆయన కుటుంబ సభ్యుల మీద వ్యక్తిగత ఆరోపణలు చేయడంతో ఆయనను అరెస్ట్ చేస్తారని ప్రచారం పెద్దయెత్తున జరిగింది. రెడ్ బుక్ లో మొదట కొడాలి నాని పేరుందని కూడా అన్నారు. కొడాలి నాని విషయంలో ప్రభుత్వం ఆచితూచి వ్యవహరిస్తుందని, అయితే ఇప్పుడు కొడాలి నాని ఏకంగా లోకేశ్ పై సవాల్ విసరడాన్ని టీడీపీ అభిమానులు సోషల్ మీడియా వేదికగా పార్టీ నాయకత్వాన్ని ప్రశ్నిస్తున్నారు. కొడాలని నానిని అలా వదిలేస్తారా? అని నిలదీస్తున్నారు. నాని మాత్రం తాను ఉంటే మహా అయితే వంద రోజులు జైల్లో ఉంటానని ఫిక్స్ అయినట్లే వ్యవహరించడంతో.. ఇక నాని గుడివాడలో రాజకీయం మొదలు పెట్టినట్లేనని వైసీపీ నేతలు అంటున్నారు. దీంతో గుడివాడ పాలిటిక్స్ హీట్ కానున్నాయి.