YSRCP : సెంట్రల్ లో సమసిన విభేదాలు.. ఇద్దరూ కలవడంతో ఊపిరి పీల్చుకున్న..?

అయితే నిన్న తన వర్గంతో సమావేశమైన మల్లాది విష్ణు పార్టీ అధినాయకత్వం తీసుకున్న నిర్ణయానికి అందరం కట్టుబడి ఉండాలని కోరారు. ఎవరూ పార్టీ లైన్ ను దాటవద్దని చెప్పారు. కొత్త ఇన్‌ఛార్జి వెల్లంపల్లి శ్రీనివాసరావుకు అందరం సహకరిద్దామని, సెంట్రల్ నియోజకవర్గంలో వైసీపీ విజయం సాధించే దిశగా అందరం కృషి చేయాలని కోరారు. దీంతో గత కొన్ని రోజుల నుంచి విజయవాడ సెంట్రల్ నియోజకవర్గంలో నెలకొన్న వివాదం సద్దుమణిగినట్లయింది.

ఈరోజు సెంట్రల్ నియోజకవర్గంలో వెల్లపల్లి శ్రీనివాసరావు పార్టీ కార్యాలయాన్ని ప్రారంభించారు. ఈ కార్యక్రమానికి ఎమ్మెల్యే మల్లాది విష్ణు హాజరయ్యారు. ఇద్దరూ ఆత్మీయ ఆలింగనం చేసుకున్నారు. ఒకరినొకరు చేతులు కలుపుకోవడంతో పార్టీ నేతలు ఊపిరి పీల్చుకున్నారు. విజయవాడ సెంట్రల్ నియోజకవర్గం నుంచి వెల్లంపల్లి శ్రీనివాసరావు ఈసారి బరిలోకి దిగుతుండటంతో ఆయన గెలుపుపై అనుమానాలు వ్యక్తమవుతున్న తరుణంలో ఇద్దరు నేతల కలయిక పార్టీ క్యాడర్ లో జోష్ నింపినట్లయింది.