తిరుమలలో రద్దీ సాధారణం

నేడు స్వామి వారు సింహవాహనంపై ఊరేగుతారు. రాత్రికి ముత్యాల పందిరిపై శ్రీవారు దర్శనమిస్తారు. నిన్న 64,823 మంది భక్తులు తిరుమల శ్రీవారి దర్శనానికి వచ్చారు. వీరిలో 22,890 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 3.03 కోట్ల రూపాయలు వచ్చిందని తిరుమల తిరుపతి దేవస్థానం అధికారులు తెలిపారు. నేడు వృద్ధులు, వికలాంగులకు అక్టోబర్ నెలకు సంబంధించి ఆన్ లైన్ లో ప్రత్యేక దర్శనం టిక్కెట్లను విడుదల చేయనున్నారు. ఉదయం పది గంటలకు టిక్కెట్లను ఆన్ లైన్ లో ఉంచుతారు.