17న ఏపీ బడ్జెట్

నాలుగేళ్ల పాలన, మూడు రాజధానుల అంశం, సంక్షేమం, విశాఖ గ్లోబల్ సమ్మిట్ వంటి అంశాలే ప్రధాన అజెండాగా ఉందని ప్రభుత్వ వర్గాల నుంచి తెలిసింది. 14న ఉభయ సభలనుద్దేశించి గవర్నర్ ప్రసంగించనున్నారు. తర్వాత బిజినెస్ అడ్వయిజరీ సమావేశంలో సమావేశాలను ఎన్ని రోజులు నిర్వహించాలన్న దానిపై నిర్ణయం తీసుకుంటారు. అందిన సమాచారం మేరకు ఈ నెల 27వ తేదీ వరకూ సమావేశాలు జరిగే అవకాశముందని చెబుతున్నారు. మొత్తం 13 రోజుల పాటు సమావేశాలను నిర్వహించాలన్న యోచనలో ప్రభుత్వం ఉందని సమాచారం.