Janasena : పార్టీ కోసం పనిచేసే ప్రతి ఒక్కరికీ న్యాయం.. సోషల్ మీడియా కుట్రలను తిప్పి కొట్టండి

జనసేన పార్టీ కార్యనిర్వాహక వర్గ సమావేశంలో ప్రసంగించిన పార్టీ పీఏసీ ఛైర్మన్ నాదెండ్ల మనోహర్ ‘పాలసీ మేకర్స్ గా, లా మేకర్స్ గా ఒకే గొంతు వినిపిస్తూ ముందుకు వెళ్దామని, రాష్ట్ర శ్రేయస్సును దృష్టిలో పెట్టుకొని, ప్రజలకు ఏది మంచి జరిగితే దానికి కట్టుబడి జనసేన పార్టీ పని చేస్తుందని తెలిపారు. యువత, మహిళలపై సోషల్ మీడియాలో జరుగుతున్న దుష్ప్రచారాన్ని జనసేన పార్టీ తీవ్రంగా పరిగణిస్తోందని, దీనిపై ఒక బలమైన నిర్ణయం తీసుకునేలా చట్టసభల్లో పార్టీ ప్రతినిధులు మాట్లాడతారన్నారు. గత ప్రభుత్వంలో జరిగిన స్థానిక సంస్థల ఎన్నికల్లో జన సైనికులు, వీర మహిళలు బలంగా నిలబడ్డారని పార్టీ పీఏసీ ఛైర్మన్, నాదెండ్ల మనోహర్ చెప్పారు.

నాటి ప్రభుత్వం ఎన్ని కుట్రలు చేసినా వాటిని పవన్ కల్యాణ్ అడ్డుకోగలిగారని అప్పటి స్థానిక సంస్థల ఎన్నికల్లో వైసిపి నాయకులకు ఎదురొడ్డి విశాఖపట్నంలో పోలింగ్ స్టేషన్లలో కూర్చున్న వాళ్లను జన సైనికులు, వీర మహిళలు బయటకు రప్పించారని, అలాంటి వారికి పార్టీ కోసం నిలబడిన యువతకు ప్రాధాన్యమిస్తూ వారితో మమేకం కావాలని పవన్ కళ్యాణ్ భావించారని తెలిపారుఎంతో దూరదృష్టితో రాష్ట్రం కోసం శ్రీ పవన్ కళ్యాణ్ గారు చేసిన ఆలోచనలే ఈరోజు రాష్ట్రానికి కేంద్రం నుంచి పెద్ద ఎత్తున నిధులు వచ్చేలా పని చేశాయన్నారు. విశాఖ ఉక్కు ఆంధ్రుల హక్కు అనే నినాదంతో విశాఖపట్నానికి వచ్చిన స్టీల్ ప్లాంట్ ను ప్రైవేటీకరణ చేస్తున్నారనే వార్త బయటకు రాగానే మొట్టమొదట స్పందించిన వ్యక్తి పవన్ కళ్యాణ్ అని, అప్పటి వైసీపీ ప్రభుత్వం ఎన్నో కుట్రలు చేసి, కనీసం దీనిపై నోరెత్తకపోయినా ఆయన ఢిల్లీ వెళ్లి కేంద్ర మంత్రి అమిత్ షాని కలిసి స్టీల్ ప్లాంట్ ను ఎట్టి పరిస్థితుల్లో ప్రైవేటీకరణ చేయవద్దని కోరారన్నారు.