Vande Bharat Train : తెలుగు ప్రజలకు గుడ్ న్యూస్.. నేటి నుంచే ప్రారంభం

నూరు శాతం ఆక్యుపెన్సీతో తొలి రైలు నడుస్తుండటంతో మరో రైలును వెంటనే రైల్వే శాఖ మంజూరు చేసింది. తెలంగాణలో ఈ వందేభారత్ రైలు నాలుగోదని దక్షిణ మధ్య రైల్వే అధికారులు తెలిపారు. ఈరోజు ప్రారంభమయ్యే రైలు రేపటి నుంచి ప్రయాణికులకు అందుబాటులోకి రానుంది. ఉదయం 5.05 గంటలకు సికింద్రాబాద్ లో ఈ రైలు బయలుదేరి మధ్యాహ్నం 1.50 గంటలకు విశాఖకు చేరుకుంటుంది. అక్కడి నుంచి మధ్యాహ్నం 2.35 గంటలకు బయలుదేరి రాత్రి 11.20 గంటలకు సికింద్రాబాద్ చేరుకుంటుంది. రైలులో మొత్తం 530 మంది ప్రయాణించే వీలుంది. ఈ రైలును వర్చువల్ గా ప్రధాని నరేంద్ర మోదీ నేడు ప్రారంభించనున్నారు. ఈ రైలులో కూడా ఆక్యుపెన్సీ రేటు వంద శాతం ఉంటుందని అధికారులు అంచనా వేస్తున్నారు. ఈ రైలు రాకతో తెలుగు ప్రజలకు రెండు నగరాల మధ్య ప్రయాణం మరింత సులువుగా మారనుంది.